Priten erëra të forta në kryeqytet, Komuna e Prishtinës del me apele

Komuna e Prishtinës ka dalë me njoftim lidhur me vështirësitë që priten të përballen qytetarët e kryeqytetit pas pak, si rrjedhojë e erërave të forta dhe shiut që tashmë veçse ka filluar, raporton ..

Në njoftimin e Komunës u publikuan disa apele për kujdes të shtuar nga qytetarët si në vijim:

• Siguroni objektet e lëvizshme në ballkone ose oborre për të shmangur dëmet nga era.

• Reduktoni lëvizjet e panevojshme në kushte të motit të rënduar.

• Kujdesuni për sigurinë në trafik dhe shmangni parkimin pranë pemëve ose objekteve të rrezikshme.

Ekipet tona të emergjencave janë në gatishmëri të plotë për çdo situatë të mundshme. Për ndihmë apo raportime, mund të kontaktoni Drejtorinë për Siguri dhe Emergjenca në numrin 0800 122 33 ose 122 44.

Së bashku, të kujdesshëm, e kalojmë çdo sfidë.