Edhe Ambasada e Spanjës në Kiev mbyllet pas rrezikut të sulmeve ajrore – Albnews

Ambasada e Spanjës në Kiev ka pezulluar shërbimet e saj për shkak të rrezikut të një sulmi ajror të mundshëm, duke kërkuar nga qytetarët spanjollë që të respektojnë udhëzimet e sigurisë lokale.

Ambasada e Spanjës në Kiev ka njoftuar se do të mbyllet për shkak të një “sulmi të mundshëm të madh ajror” në kryeqytetin ukrainas.

Ky vendim merret pas mbylljes së përkohshme të Ambasadës së SHBA-së në Kiev për arsye sigurie.

Në një komunikim me qytetarët spanjollë në Ukrainë, ambasada ka theksuar se nuk do të ofrojë shërbime ditore për shkak të “rritjes së rrezikut të sulmeve ajrore në të gjithë Ukrainën”.

Siç raporton BBC-i, në një email të dërguar atyre, ambasada rekomandon që të marrin “masa ekstreme sigurie, të respektojnë të gjitha udhëzimet e autoriteteve lokale dhe të kërkojnë gjithmonë një strehë të sigurt”.