Frenoni njerëzit tuaj, nuk e meritoj këtë trajtim ! – Albnews

Lideri i AKR-së Behxhet Pacolli ka një lutje për presidentën Vjosa Osmani dhe kryeministrin Albin Kurti. Pacolli po kërkon nga Kurti e Osmani,  që t’i frenojnë njerëzit e tyre,  të cilët po e ofendojnë atë dhe fëmijet e tij me deklarata të pavërteta.

“ Manipulimi me emrin tim nuk është as njerëzor por mund të ketë edhe efekte  ligjore për njerëzit e juaj. Nuk kam qëllim t’ju edukoj ose të ndërhyj në mendësitë tuaja, por para se të më ofendoni, verifikoni vërtetësinë e fakteve”, ka shkruar Pacolli në Facebook.

Postimi i plotë i Pacollit:

Zonja Presidente Osmani dhe Kryeministër Kurti,

Nuk kam ndërmend të merrem me njerëzit tuaj, por kam një lutje:

ju lutem frenoni njerzit e juaj, ata që po më ofendojnë, sepse deklaratat e pavërteta që po bëjnë nuk po ofendojnë vetëm mua, por edhe fëmijët e mi.

Nuk besoj se këta njerëz me shpifje e gënjeshtra ju bëjnë nder me keto veprime të ulëta.

Unë mendoj se nuk e meritoj këtë trajtim!

Nga ana tjetër, më duket se nuk po zgjidhni asgjë me këtë qasje, dhe nëse qëllimi është të më tregoni mua diçka, mua më mjafton që unë e di kush jam. Nëse doni dëshmi për ndonjë gjë që ju intereson, unë mund t’ua sjelli ato ( nese kam njohuri), përndryshe mbetët që drejtesija të ndërmjetësojë

Manipulimi me emrin tim nuk është as njerëzor por mund të ket edhe efekte ligjore për njerëzit e juaj.

Nuk kam qëllim t’ju edukoj ose të ndërhyj në mendësitë tuaja, por para se të më ofendoni, verifikoni vërtetësinë e fakteve.