Mot i keq e erëra të forta, komuna e Prishtinës apelon qytetarët të kenë kujdes – Albnews

Komuna e Prishtinës ka apeluar te qytetarët të kenë kujdes të shtuar gjatë lëvizjeve në orët në vijim, meqë do të ketë erëra të forta dhe reshje shiu.

Sipas një njoftimi zyrtar, komuna lajmëron qytetarët të jenë të kujdesshëm sidomos në lëvizjet e panevojshme, në lëvizjet në trafik, parkimin e veturës pranë pemëve ose objekteve të rëndësishme, e kështu me radhë, shkruan ..

“Ekipet tona të emergjencave janë në gatishmëri të plotë për çdo situatë të mundshme. Për ndihmë apo raportime, mund të kontaktoni Drejtorinë për Siguri dhe Emergjenca në numrin 0800 122 33 ose 122 44”, thuhet në njoftim.

Ky është njoftimi i plotë:

Të dashur qytetarë të Prishtinës,

Duke pasur parasysh parashikimet e motit për orët në vijim, ju njoftojmë se priten erëra të forta të shoqëruara me reshje shiu, ndërsa në orët e vona të natës do të ketë edhe reshje bore.

Ju lusim të tregoni kujdes të shtuar, veçanërisht:

 • Siguroni objektet e lëvizshme në ballkone ose oborre për të shmangur dëmet nga era.

 • Reduktoni lëvizjet e panevojshme në kushte të motit të rënduar.

 • Kujdesuni për sigurinë në trafik dhe shmangni parkimin pranë pemëve ose objekteve të rrezikshme.

Ekipet tona të emergjencave janë në gatishmëri të plotë për çdo situatë të mundshme. Për ndihmë apo raportime, mund të kontaktoni Drejtorinë për Siguri dhe Emergjenca në numrin 0800 122 33 ose 122 44.

Së bashku, të kujdesshëm, e kalojmë çdo sfidë.