UEFA merr vendim për ndeshjen Kosovë-Rumani

UEFA e ka regjistruar 3:0 në favor të Rumanisë ndeshjen e ndërprerë ndaj Kosovës.

Shtëpia evropiane e futbollit (UEFA) ka marrë vendimin sot për ndeshjen e shumëpërfolur mes Rumanisë e Kosovës.

Përpos humbjes së ndeshjes, FFK-ja është gjobitur edhe me 6 mijë euro për shkak të sjelljeve të pahijshme të futbollistëve.

Ndërkaq, Federata Rumune e Futbollit është dënuar me përafërsisht 150 mijë euro.

Vendimi i plotë i UEFA-s:

Të gjobisë Federatën Rumune të Futbollit me 50,000 euro dhe të urdhërojë mbylljen e stadiumit të Federatës Rumune të Futbollit gjatë (1) ndeshjes së ardhshme në të cilën Federata Rumune e Futbollit do të luajë si shoqatë mikpritëse, për sjelljen raciste dhe/ose diskriminuese të mbështetësve të saj ( në lidhje me thirrjet ksenofobike antihungareze).

Të gjobisë Federatën Rumune të Futbollit me 30,000 euro për transmetimin e mesazheve provokuese politike që nuk janë të përshtatshme për një ngjarje sportive .

Të gjobisë Federatën Rumune të Futbollit me 9000 euro për hedhjen e sendeve .